مصر فى عيون ابنائها بقلم الأستاذ((حسن غازى                                                    طول عمرنا عايشين فى أمان.....مصر محبة...مصرسلام .ليه المصرى بيقتل اخوه...؟ فى التحريروالاتحادية........او فى ميدان رابعة العدوية.....مصر بلدنا حزينة علينا.......هى وطنا وضى عنينا......واللى بيحصل مش معقول.....تقع الكارثة نقول دا فلول.....مين ولعها ومين مسئول....دم شهيدنا سال بايدينا ....لو ليبرالى اوعلمانى او اخوانى لازم برضه نعيش فى امان.....فين العدل فين الحرية ....فين شهامتنا فين الوطنية....لازم نحسم كل قضية .....كل الأديان السماوية ....تدعو لسلام البشرية.... مصر بتبكى ليل ونهار...وكل الشعب حزين محتار......لما الثورة اندلعت فينا....قلنا ح نبنى وننسى ماضينا.....شهداء من اجل الحرية ....ماتت احلامهم وردية لاذم تجتمع القيادات ...وتسمع للثوار طلبات ....مصر بلدنا عايزة حلول ....وكل من فيها يكون مسئول.....ننبذ كدا كل الخلافات ...ونهتف بالحب الهتافات ....بس بجد فى حاجة تغيظ ....لمصر بلدنا الف رئيس...كله بيظهر فى الاعلام وكأنه واحد من الحكام.......يأمر .ينهى .يقول قرارات ويلقى على الناس الاتهامات .....وناس بتكفر باسم الدين....وناس فى كلامها كده مجانين....مش عارفين رايحين على فين وكلمة حق نجيبها منين....دى مصر بتبكى بدمع العين ...مصر بتبكى بقلب حزين.