حسبى الله و نعم الوكيل لسان حال الغلابة فى بلد الظلم والديابه بلد فيها الطغيان والقهر لآدمية الإنسان وكمان أهلها مش ساكتين لا.. بيقولوا انها أم الدنيا ومحروسة من رب العالمين كلام صح ومتين ..بس كمان فيها ناس ميعرفوش لا رحمة ولا دين ..ومليانة شر وإذلال وشعوب مقهورة لانها بلد أهم حاجة فيها الفاتورة .. بلد غير مأسوف عليها، فيها سكة اللي يروح ما يرجعش ولا بلاش سكة علشان هنفتكر القطارات اللى مات فيها المئات قبل الثورة وفى كل الأوقات.. ايه القرف ده .. بلد كلها متاهات هتنفجر من الرذيلة والعاهرات وكل ساعة يقولك مظاهرات أصل الناس هتموت من السياسات اللى خلت الموت على الطرقات .. اه ياولاد .........
مجلس وزراء فاشل وجبان ومعارض تافه تعبان وشعب يعنى عليه هو اللى جعان .. يا أهل الخير يا ولاد بلدنا الشجعان فين العدل والإحسان وحضارة العلم والإيمان محدش فيكم قراء كلام المصطفى العدنان صلى الله عليه وسلم فى حديثه الشريف يقول: "المسلم أخو المسلم لا يظلمه ولا يخذله، كل المسلم على المسلم حرام دمه وماله وعرضه" صدق الحبيب الرسول صلى الله عليه وسلم..
ياريت بقى محدش يقولى تيار اسلامى واننا دولة اسلامية لما أحنا بلد نصها طلع حرامية وكلاب ونصابين وبلطجية ... وناس بتنصب بأسم الدين وناس تانية بتنصب بأسم السياسة والاسم معارضين أو أخوان وسلفيين وكمان ناصريين ولله دولة الظلم إلي فنـــاء ودولة الحق بـلا انتهــاء.. حرام عليكم كفاية اللى بيحصل فى مصر ..
يا تسيبونا نعيش يا أما تقتلونا وتريحونا بقى ..وبلاش سياسة أضرب دماغك فى الحيط ، آه يا بلد خلاص بيقسموا فيكى وبيشتــكوا لــيكى .. قالوا ياما قالوا مكنتش مصدق ان أهلك كده مـعاكى ..قـفـلـوا علــيكى البيبان من جوه ومن بــره ..مكتوب عـليــكى الشـقى وبـتـشربى المــره .. أصوات كتير زعيق وصريخ
بتغنى علينا فى الفضائيات والفرحة اتقتلت فى المدرجات.. يا مصر انتى التاريخ والهيبة واللمة عمرى ما شوفتك فى مهانة ومذلة وكنت أقول وطنى الشديد القوى ممنوع عليه الكسر..لقيت نفسى أنا حبيس جوه الاسر.. لكن يا ناس الوطن يمرض وما يموت ومن النهارده خلاص مش هيبقى فى سكوت حتى لو كانت الاخرة تابوت .. الـظـلم سهـم مسنــون.. والعدل يوم هيكون .. الـظلم سحــابـة سوداء بس هتعدى والشمس هتهدى و بلاش خلاف والنبى ولملم ودلاك يا وطن من التوهة والغربة
ليست هناك تعليقات:
إرسال تعليق